Në fjalën e saj, ministrja e Drejtësisë, Albulena Haxhiu tha se institucionet përkatëse përgjegjëse duhet të punojë në ndërmarrjen e iniciativave që ndërgjegjësojnë shoqërinë në përgjithësi për mbrojtjen dhe kujdesin ndaj fëmijës, si dhe hartimin e politikave të brendshme të cilat luftojnë dhe parandalojnë çdo formë të shfrytëzimit, neglizhimit, abuzimit me fëmijë, si dhe mbrojtjen e fëmijës në situatë rruge.

“ Kjo Rregullore është akti i gjashtë nënligjor dhe me miratimin e saj, Ministria e Drejtësisë e kompleton infrastrukturën e akteve nënligjore që derivojnë nga Ligji për Mbrojtjen e Fëmijës dhe që bashkë më shërbimet sociale kanë kaluar nën përgjegjësinë e MD-së”, tha ministrja Haxhiu.

Ministrja Haxhiu tregoi se kjo Rregullore specifikon edhe kërkesën e cila ka të bëjë me; ngritjen e kapaciteteve të punonjësve social për mënyrën e trajtimit dhe ofrimit të shërbimeve të nevojshme për këto kategori të fëmijëve në nevojë sociale, Nevojën e krijimit të mekanizmave për identifikimin e hershëm, referimin dhe raportimin në kohë të çdo rasti të abuzimit dhe keqtrajtimi me fëmijët, si dhe Reagimin institucional dhe rritjen e masave mbrojtëse që promovojnë mirëqenien dhe zhvillimin e fëmijës.

Në fund ministrja Haxhiu tha se përmes kësaj Rregulloreje të gjitha institucionet publike, jo qeveritare dhe private të licencuara, si dhe personat përgjegjës të cilët kanë mandat dhe kompetencë të punojnë në mënyrë të drejtpërdrejtë dhe të tërthortë me fëmijë marrin pjesë në procesin e mbrojtjes së fëmijës nga dukurija e shfrytëzimit, neglizhimit dhe abuzimit, ndërsa menaxhimin e procesit, koordinimin me qëllim të ofrimit të shërbimve adekuate dhe cilësore për mirëqeniën dhe mbrojtjen e fëmijës e bën Qendra për Punë Sociale.