Në punëtorinë përmbyllëse, ministrja Haxhiu tha se përmes këtij projektligji synojmë që të kemi një Këshill Prokurorial, së pari me përbërje pluraliste e të balancuar mes anëtarëve prokurorë dhe jo-prokurorë, një Këshill të pavarur, me anëtarë me integritet, e që vepron me transparencë, në përputhje me rekomandimet e Komisionit të Venecias dhe standardet ndërkombëtare, si dhe me Aktgjykimin e Gjykatës Kushtetuese.

Rruga drejt finalizimit të këtij projektligji sipas ministres Haxhiu ka qenë mjaft e gjatë dhe ministrja falënderoi edhe njëherë të gjithë akterët e përfshirë për kontributin e tyre.

Në punëtorinë përmbyllëse morën pjesë anëtarët e Komisionit për Legjislacion, përfaqësues nga Ministria e Drejtësisë, përfaqësues nga KPK dhe shoqëria civile, partnerë ndërkombëtar dhe të tjerë institucional.

Së shpejti, pas përfudnimit të procedurave përkatëse, Projektligji do të procedohet për lexim të dytë në Kuvend.