Fillimisht Ministrja e Drejtësisë theksoi rezultatet e deritanishme në çështjet e lartëcekura dhe gjithashtu shprehu përkushtimin në realizmin e objektivave dhe agjendës legjislative në përputhje me afatet, të cilat kontribuojnë tutje në reformim dhe fuqizim të sundiit të ligjit.

Ministrja Haxhiu poashtu dënoi aktin e djegies së lokaleve të nënkryetares së Komunës së Zveçanit ditë me parë dhe njëkohësisht, kërkoi dënimin akteve të tilla edhe nga partnerët ndërkombëtar.

Ambasadori Szunyog shprehu gatishmëri për mbështetje dhe bashkëpunim të vazhdueshëm, duke ritheksuar edhe njëherë, rëndësinë e sundimit të ligjit.

Të dy palët shprehën gatishmëri për bashkëpunim të vazhdueshëm në realizimin e objektivave të Ministrisë së Drejtësisë.