Ministrja Haxhiu theksoi rëndësinë e pjesëmarrjes aktive të komunitetit në adresimin e sfidave që lidhen me dhunën me bazë gjinore. Ministrja Haxhiu nënvizoi se dhuna me bazë gjinore nuk flet vetëm një gjuhë, dhuna ka shumë ngjyra dhe jeton në çdo komunitet, andaj duhet angazhimi i secilit për të fituar këtë betejë.

Pas takimit, Ministrja e Drejtësisë përcolli një ftesë të hapur për një bashkëpunim të vazhdueshëm dhe dialog ndërmjet Qeverisë dhe komuniteteve për të siguruar një shoqëri më të drejtë dhe të barabartë për të gjitha gratë.