Miratohet Projektligji për Ratifikimin e Traktatit mes Kosovës dhe Danimarkës

Qeveria e Kosovës sot ka miratuar Projektligjin për Ratifikimin e Traktatit ndërmjet Republikës së Kosovës dhe Mbretërisë së Danimarkës për shfrytëzimin e institucionit korrektues në Gjilan me qëllim të ekzekutimit të dënimeve Daneze, i hartuar nga Ministria e Drejtësisë.

Me miratimin e këtij traktati, Kosova do të vërë në dispozicion kapacitete të përshtatshme për 300 të burgosurit e Mbretërisë së Danimarkës, dhe në këmbim do të përfitoj tarifë vjetore fikse për shfrytëzimin e burgut prej 15 milion euro dhe 6 milion euro të tjera për energji të gjelbër.