“Tani kemi pranuar Aktgjykimin nga departamenti ekonomik, ku është fituar një kontest në vlerë 1.8 milion euro, lëndë e përfaqësuar nga Avokate Ilire Tasholli Aydogan. Duke ditur se Avokatura Shtetërore përfaqëson edhe kontestet gjyqësore në Gjykatat Ndërkombëtare, që rast konkret kemi kontestin në Gjykatën e Vjenës , përfaqësuar nga Avokat Arsim Zuka rast i fituar me një vlerë monetare prej 1 milion euro”, tha ministri Selimi.

Ministri Selimi tha se falë një pune intensive, institucioni i Avokatura Shtetërore po arrin të jetë i suksesshëm në mbrojtjen e buxhetit të Republikës së Kosovës.

“Prioritetet e mija si ministër i Drejtësisë me çka synoj që ta kemi një sistem të qëndrueshëm funksional dhe të pavarur në përfaqësimin e autoriteteve publike të Republikës së Kosovës, në procedurat gjyqësore, administrative si dhe në arbitrazh”, deklaroi ministri Selimi.

Ndërsa Avokati i Përgjithshëm Shtetëror, Sami Istrefi tha se gjatë muajve janar –tetor të vitit 2020, Avokatura Shtetërore ka mbrojtur një numër të madh të rasteve në gjykatat vendore, ku vlera e kontestit të fituar është 10 milion e 183 mijë euro.

“Të gjitha këto lëndë janë të fituara me vendimin e formës së prerë dhe kjo është një sukses jashtëzakonisht i madh”, tha avokati Istrefi.

Avokatura Shtetërore ka gjithsej 1935  lëndë të pranuara në vitin 2020, ku 462 prej tyre  janë të fituara dhe 307 lëndë janë me ankesë në Gjykatën e Apelit, të tjerat janë në proces.