Ministri Selimi dhe Ministri Veliu diskutojnë për hapat drejt finalizimit të Strategjisë së Sundimit të Ligjit

Gjatë këtij takimi është diskutuar për rekomandimet kryesore të procesit të RFSSL-së, që synojnë forcimin e integritetit, llogaridhënies dhe kapaciteteve të Policisë së Kosovës, si një ndër organet kyçe të sundimit të ligjit.

“Jam shumë i lumtur që disa prej rekomandimeve tanimë kanë filluar të zbatohen nga Policia dhe ato që kanë mbetur gjetën përkrahjen e plotë nga Ministri z. Veliu dhe Drejtori z. Qalaj. Përmes këtyre rekomandimeve që do të përfshihen në Strategjinë e planifikuar të Sundimit të Ligjit, synohet të ndërmerren aktivitete konkrete për forcimin e integritetit, llogaridhënies dhe kapaciteteve të Policisë”, tha ministri Selimi.

Ministria e Drejtësisë, Ministria e Punëve të Brendshme dhe Drejtori i Përgjithshëm i Policisë, kanë rënë dakord për vazhdimin e aktiviteteve deri në finalizimin e Strategjisë.

Strategjia për Sundimin e Ligjit, do të jetë dokumenti kryesor reformues me rezultate konkrete në praktikë në fushën e drejtësisë.