Zëvendëskryeministri dhe Ministri i Drejtësisë, Prof. Dr. Hajredin Kuçi, sot ka pritur në takim Ambasadorin e Gjermanisë, Peter Blomeyer.

Në këtë takim, Ministri Kuçi dhe Ambasadori Blomeyer diskutuan rreth fazës së transformimit të misionit të EULEX-it në Kosovë, me ç’rast të dyja palët u pajtuan se misioni i EULEX-it duhet të angazhohet maksimalisht në forcimin e kapaciteteve vendore, me qëllim që mos të ketë mungesë efikasiteti në sistemin e drejtësisë. 

Ministri Kuçi vlerësoi bashkëpunimin që institucionet e Kosovës, në veçanti Ministria e Drejtësisë, kanë pasur dhe vazhdojnë ta kenë me Ambasadën gjermane dhe institucionet e tjera të këtij vendi që veprojnë në Kosovë, sidomos në fushën e bashkëpunimit juridik ndërkombëtar dhe të profesioneve të lira. Të dy bashkëbiseduesit shprehen gatishmërinë në thellimin e bashkëpunimit në mes të Republikës së Kosovës dhe asaj të Gjermanisë.