Zëvendëskryeministri dhe Ministri i Drejtësisë, Prof. Dr. Hajredin Kuçi, sot ka udhëtuar për Bruksel ku do të zhvilloj takime me Shefin e Operacioneve të Bashkimit Evropian, Hansjorg Haber dhe me ambasadorë të BE-së.

Takimi i Ministrit Kuçi me Shefin e Operacioneve të BE-së, Haber, do të jetë i përqendruar në bisedimet për tranzicionin e kompetencave të EULEX-it. Gjatë qëndrimit në Bruksel, konkretisht me datë 16 të këtij muaji, Ministri Kuçi në cilësinë e kryesuesit të delegacionit të Kosovës, do të zhvilloj bisedime edhe për Dialogun e Strukturuar në Fushën e Sundimit të Ligjit.