Të miturit me masë edukuese-korrektuese që gjenden në Qendrën Korrektuese në Lipjan, gjysmëvjetorin e dytë shkollor të vitit akademik 2011 – 2012, e kanë filluar në shkollat fillore dhe të mesme publike të qytetit të Lipjanit.

Vijimit të mësimit te të miturve në shkolla publike i ka paraprirë puna dhe kontaktet me gjithë faktorët relevant të Komunës së Lipjanit, me përfaqësuesit e Drejtorisë së Arsimit dhe me Drejtorët e shkollave të kësaj Komune.

Po ashtu, lidhur me vijimin e mësimit në shkollat publike është punuar me të miturit, si dhe me prindërit e tyre.

Arsimimi i të miturve në shkolla publike i paraparë me standardët ndërkombëtar është bërë falë kërkesës së Zëvendëskryeministrit dhe Ministrit të Drejtësisë, Prof. Dr. Hajredin Kuçi dhe të punës e qasjes profesionale të Shërbimit Korrektues të Kosovës.