Zëvendëskryeministri dhe Ministri i Drejtësisë, Prof. Dr. Hajredin Kuçi, ka uruar Avokatin Ibrahim Dobruna, për zgjedhjen  e tij në krye të Odës së Avokatëve të Kosovës.

Në letrën e Ministri Kuçi dërguar Kryetarit të ri të Odës së Avokatëve të Kosovës, Ibrahim Dobruna, thuhet: “Më lejoni që përmes kësaj letre të shpreh urimet e mia më të sinqerta me rastin e zgjedhjes tuaj si Kryetar i Odës së Avokatëve të Kosovës. 

Me kënaqësi kam pranuar lajmin për emërimin tuaj në krye të Avokatëve të Republikës së Kosovës. Unë jam i bindur se përvoja juaj e pasur dhe e larmishme në fushën e jurisprudencës do të sjellë një vlerë të re dhe model të shkëlqyeshëm të udhëheqjes me OAK-un. Andaj, unë jam i lumtur që gjatë mandatit tim do të kem nderin dhe kënaqësinë të bashkëpunojë me juve në çështje me rëndësi qenësore të sundimit të ligjit në vendin tonë.