Zëvendëskryeministri dhe ministri i Drejtësisë, Prof. Dr. Hajredin Kuçi, do të shqyrtojë me seriozitet çështjen e anulimit të tenderit të automjeteve

 Ministria e Drejtësisë njofton qytetarët e Kosovës lidhur me monitorimin e procesit të prokurimit publik, i publikuar dje nga lëvizja “FOL”, së kërkesa e kompanisë “Kaqandolli”, për pagimin e 80 mijë eurove nga Ministria e Drejtësisë, si dëmshpërblim për shkëputjen e kontratës me këtë kompani, ende është në shqyrtim nga Gjykata Ekonomike dhe deri me tani, MD-ja nuk e ka asnjë obligim ndaj kësaj kompanie.

Megjithatë, zëvendëskryeministri dhe ministri i Drejtësisë, Prof. Dr. Hajredin Kuçi, ka thënë së do të merret seriozisht me problemet që janë paraqitur me këtë tender, edhe pse problemet janë paraqitur në kohen kur ai (ministri Kuçi), nuk ka qenë Ministër i Ministrisë së Drejtësisë dhe ka premtuar së nëse vendimi përfundimtar i Gjykatës Ekonomike, fajëson MD-në, përgjegjësit do të përballen me sanksione ligjore.

Pas shkëputjes së kontratës nga Ministria e Drejtësisë, me arsyetimin se në tenderin “Furnizim me automjete për nevojat e DAP-MD”,  kërkesat e Ministrisë së Drejtësisë të inkorporuar në dosjen e tenderit, kane qenë të përshkruara në harmoni me Ligjin e Prokurimit Publik,  ku në specifikat teknik të dosjes së tenderit janë specifikuar kërkesat teknike që ndër kërkesat tjera, Ministria e Drejtësisë ka kërkuar që automjetet  të jenë prej  1.4 deri 1.6 cm3,  varësisht prej ofertave të tregut, ndërsa, kompania “Kaqandolli”, ka ofertuar automjete me 1.3 cm3 dhe është shpërblyer me kontrate. 

Andaj, problemi ka dalë në sipërfaqe me liferimin e automjeteve, ku komisioni i pranimit teknik, ka refuzuar pranimin e tyre, me arsyetimin se automjetet janë në kundërshtim me specifikat teknik të përpiluar nga Ministria e Drejtësisë. 

Pas kësaj, kompania “Kaqandolli” ka ushtruar të drejtën e ankesës në Organin Shqyrtues të Prokurimit (OSHP), kundër shkëputjes së kontratës nga MD-ja,  ankesë të cilën e ka refuzuar si të pabazë OSHP–ja. Me pas, kompania “Kaqandolli”, ka ushtruar ankese edhe në Gjykatën Ekonomike, ku është duke u zhvilluar procesi gjyqësor.