Zëvendëskryeministri dhe ministri i Drejtësisë, Prof. Dr. Hajredin Kuçi, u takua me kryetarin e Kryesisë së Lidhjes së Juristëve të Kosovës, Prof. Dr. Mazllum Baraliu dhe me kryetarin e Këshillit Mbikëqyrës të  Lidhjes së Juristëve të Kosovës, Shaban Kajtazi.

Pas këtij takimi, ministri Hajredin Kuçi, tha së ka shumë fusha ku mund të bashkëpunojnë me Lidhjen e Juristëve të Kosovës.
“Lidhjen e Juristëve të Kosovës e shohim si partner në ndërtimin e sistemit të drejtësisë, me ta do të bashkëpunojmë në fushën e hartimit të legjislacionit, me angazhimin e eksperteve të tyre, po ashtu presë që Lidhja e Juristëve të Kosovës, të kenë përfaqësuesit e vetë edhe në Këshillin për Reforma në Drejtësi, në Institutin për Studimet e Krimeve të Luftës, por edhe në mekanizmat e zgjidhjeve alternative të kontesteve, në radhë të parë në sistemin e ndërmjetësimin, noterisë dhe arbitrazhit”, tha ministri Kuçi

Edhe kryetari i Kryesisë së Lidhjes së Juristëve të Kosovës, Mazllum Baraliu, tha se me Ministrinë e Drejtësisë kanë shumë fusha ku mund të bashkëpunojnë, ndërsa premtojë ndihen e Lidhjes së Juristëve të Kosovës, në reformimin e sistemit të drejtësisë.

“Ne si Lidhje e Juristëve të Kosovës, me potencialet dhe kapacitetet profesionale që kemi, konsiderojmë dhe u pajtuam me Ministrin, të ndihmojmë në fushat e sistemit të drejtësisë. Ne do të bashkëpunojmë dhe kemi gatishmëri të plotë, që në mënyrë konstruktive të japim mendimet tona, kontributin tonë, për avancimin e çështjeve të ndryshme të interesit të përbashkët institucional dhe të shoqërisë kosovar”, tha zoti Baraliu.

Me këtë rast, ministri Kuçi premtojë mbështetjen për Lidhje e Juristëve të Kosovës dhe tha së mbështetja dhe fuqizimi i tyre, është në të mirë të Ministrisë së Drejtësisë, por edhe të sistemit të drejtësisë në Kosovë.