Në fjalën e tij, zëvendësministri Sallahu tha se Ndërmjetësimi ofron një alternativë efikase dhe më të aksesueshme për qytetarët dhe është mjetë për zgjidhjen e mosmarrëveshjeve përmes profesionistëve të trajnuar dhe angazhuar.

Tutje zëvendësministri Sallahu tregoi se Ministria e Drejtësisë ka marrë disa veprime për mbështetjen e Ndërmjetësimit ndërsa tha se tashmë është në përfundim edhe plotësimi i Ligjit për Ndërmjetësimin, i cili do të forcojë mekanizmat e mbikëqyrjes, do të mundësojë heqjen e licencës për ata ndërmjetësues që nuk përmbushin standardet e nevojshme, dhe do të krijojë një sistem më të besueshëm dhe të kualifikuar.

“ Të gjitha këto veprime janë të dizajnuara për të lehtësuar qasjen e qytetarëve në drejtësi, për të ulur numrin e lëndëve në gjykata dhe për të rritur efikasitetin e zgjidhjes së mosmarrëveshjeve përmes Institutit të Ndërmjetësimit”, tha Sallahu.

Në fund zëvendësministri Sallahu shprehu falënderim për të gjitha ata që kanë kontribuar në këto procese në mënyrë që të krijohet një sistem më i fortë dhe më i besueshëm për qytetarët e vendit.