Themelimi i Institutit për Krimet e Kryera gjatë Luftës në Kosovë në nëntor 2023, i cili tashmë ka publikuar raportin e parë njëvjeçar, përfaqëson një arritje madhore.

Tashmë janë grumbulluar në mbi 189.5 metra materiale arkivore dhe 14.64 terabajt materiale digjitale të mbledhura, ky Institut mbetet garant i kujtesës kolektive dhe mbrojtës i së vërtetës historike.

Një tjetër hap i rëndësishëm është miratimi dhe zbatimi i Strategjisë për Drejtësinë Tranzicionale, që adreson krimet e luftës dhe shkeljet e rënda të të drejtave të njeriut, duke ofruar një udhërrëfyes për ndihmë viktimave dhe ndërtimin e një të ardhmeje të drejtë.

Për më tepër, ndryshimet procedurale që mundësojnë gjykimin në mungesë dhe forcimi i kapaciteteve të Prokurorisë Speciale dhe Policisë së Kosovës, janë dëshmi e përkushtimit të Qeverisë për të siguruar drejtësi.

Aktualisht, janë ngritur 67 aktakuza ndaj 174 personave, ndërsa janë shtuar prokurorë dhe hetues për të përforcuar punën në këtë drejtim.