Ministrja e Drejtësisë, ka adresuar çështjen e dhunës në familje, dhunës ndaj grave dhe dhunës me bazë gjinore, në një tryezë të organizuar nga Prokuroria Themelore në Pejë. Gjatë fjalës së saj, vuri në dukje arritjet e deritanishme dhe angazhimet konkrete të ndërmarra në këtë fushë.

Ministrja Haxhiu theksoi se MD është afër finalizimit të 6 Udhëzimeve Administrative që dalin nga Ligji për Parandalimin dhe Mbrojtjen nga Dhuna në Familje, ndërkohë që po punohet për themelimin e një linje emergjente telefonike për viktimat e dhunës. Gjithashtu, deri tani janë ofruar ndihmë juridike falas për 106 raste të dhunës në familje, si dhe janë pilotuar programe për trajtimin e kryerësve të dhunës.

Ministrja tha se janë 87 për qind e aktiviteteve që dalin nga Strategjia për Parandalimin dhe Mbrojtjen nga Dhuna janë gati të zbatuara. Ndër të tjera, Ministria ka filluar ndarjen e pronave të konfiskuara për të mbështetur viktimat e dhunës dhe ka lansuar masa për fuqizimin ekonomik të grave viktima përmes programeve të punësimit.

Ky diskutim reflektoi përkushtimin e institucioneve të drejtësisë në luftimin e dhunës në familje dhe mbrojtjen e viktimave, si dhe përgatitjen për fushatën “16 Ditët e Aktivizmit Kundër Dhunës me Bazë Gjinore”.