Misioni i Institutit te Mjekësisë Ligjore, si një institucion i vetëm në vend që ofron shërbime të tilla mjekësore është ofrimi i shërbimeve mjeko-ligjore bazuar në praktikat më të mira evropiane dhe ndërkombëtare për të gjithë qytetarët e Kosovës.

Instituti është përgjegjës për ofrimin e shërbimeve mjeko ligjore, si:

• Autopsi mjeko ligjore tek rastet e vdekjeve mjeko ligjore (duke përfshirë edhe ekzaminimin mjeko -ligjor në vendin e ngjarjes ku ka ndodhur vdekja);
• Ekzaminim klinik mjeko ligjor tek rastet që i janë nënshtruar dhunës së mundshme fizike apo seksuale;
• Ekzaminim laboratorik të mostrave indore, si dhe shërbime tjera në bazë të urdhrit të Gjykatës apo Prokurorit të Shtetit, si varrimi, zhvarrimi etj;
• Ekzaminim të mbetjeve mortore të personave të pagjetur që ndërlidhen me luftën në Kosovë (duke përfshirë edhe kërkimin, gjetjen dhe zhvarrimin, si dhe përcaktimin e fatit, identifikimin dhe dorëzimin e këtyre mbetjeve mortore tek familjarët e tyre);
• Veprimtari profesionale, arsimore dhe shkencore e hulumtuese etj.

Disa nga objektivat e Institutit te Mjekësisë Ligjore janë;

• Kryerja e aktiviteteve bazuar në mandatin ligjor;
• Rritja e transparencës;
• Rritja e efikasitetit në përgjigje të kërkesave për shërbime mjeko ligjore;
• Largimi i rreziqeve të mundshme për shëndetin dhe sigurinë në punë;
• Ofrimi i mbështetjes psikosociale për familjarët e personave të zhdukur.

Bazuar në Rregulloren per Organizimin e Brendshëm dhe Sistematizimin e Institutit të Mjekësisë Ligjore, struktura organizative është:

• Zyra e Drejtorit të Përgjithshëm
• Departamentet dhe
• Divizionet, ku bëjnë pjesë nëpunësit profesional dhe mbështetës.

Kontakt:

Ushtrues detyre i Drejtorit të Institutit të Mjekësisë Ligjore:

Agron Thaqi

Email: Agron.B.Thaqi@rks-gov.net;

Tel: 038/200-18-530

Adresa: Rrethi i Spitalit – MD/DML

10000 Prishtinë