Divizioni për Komunikim Strategjik me Publikun ka për mision që politikat dhe aktivitetet e Ministrisë të prezantohen përmes komunikimit të hapur, objektiv, të qartë, përfshirës dhe në kohë me publikun, ashtu që ata të informohen për të drejtat dhe përgjegjësitë ndaj institucioneve dhe shprehin pikëpamjet e tyre.

Detyrat dhe përgjegjësitë e Divizionit për Komunikim Strategjik me Publikun janë:

• Ofron përkrahje profesionale për Ministrinë në fushën e komunikimit dhe informimit, përfshirë komunikimin strategjik;
• Përgatit, përditëson dhe zbaton planin e komunikimit të Ministrisë, duke zbatuar teknika efektive të komunikimit;
• Organizon konferenca për media dhe përgatit njoftime për shtyp, deklarata, raporte dhe publikime tjera;
• Përgatit, shpërndan dhe arkivon fotografitë dhe materialet audio-vizuele të aktiviteteve kryesore të Ministrisë;
• Menaxhon ueb faqen zyrtare të Ministrisë, rrjetet sociale dhe çështjet e protokollit;
• Pranon dhe shqyrton kërkesat fillestare për qasje në dokumente publike dhe përgatit raporte mbi zbatimin e ligjit përkatës për qasje në dokumente publike;
• Mbështet procesin e hartimit të politikave dhe legjislacionit, përmes zhvillimit dhe prezantimit të planeve të komunikimit, dhe komunikimit të takimeve publike, si dhe konsultimeve online me publikun;
• Siguron që media të jetë plotësisht e informuar për politikat dhe aktivitetet e Ministrisë, përfshirë vizitat zyrtare brenda dhe jashtë vendit;
• Përgatitë deklaratat dhe fjalimet e Ministrit dhe për Ministrinë, në koordinim me Këshilltarin për Media apo Shefin e Kabinetit;
• Siguron që Ministria të ofrojë mbështetjen e nevojshme për prezantimin e përgjithshëm të politikave të Qeverisë në bashkëpunim me Zyrën e Kryeministrit;
• Shërben si ndërlidhës zyrtar me publikun dhe mediat lidhur me çështjet e komunikimit strategjik.

Udhëheqësi i Divizionit për Komunikim Strategjik me Publikun raporton tek Sekretari i Përgjithshëm.

Kontakti:

Zëvendësuese e Udhëheqësit të Divizionit për Komunikim Strategjik me Publikun

Znj. Qëndresë Mustafa

Email: qendresa.mustafa@rks-gov.net

Tel: 038/200-67-035

Adresa: Ministria e Drejtësisë

Ndërtesa e Re e Qeverisë (ish ndërtesa e Rilindjes)

Prishtinë, Kosovë