Ky udhëzim është hap i rëndësishëm për të përmirësuar mbrojtjen dhe mbështetjen për viktimat e dhunës në familje, dhunës ndaj grave dhe dhunës me baze gjinore, përmes krijimit të linjës telefonike emergjente për një reagim të shpejtë dhe të koordinuar nga institucionet përkatëse. Shërbimi i Linjes telefonike emergjente sipas udhëzimit do të ofrohet nga organizatat jo qeveritare të licencuara për këtë qëllim sipas kritereve të legjislacionit. Kjo Linjë do të shërbejë si pikë kontakti për viktimat dhe qytetarët, duke mundësuar kështu raportimin e rasteve dhe lidhjen me shërbimet mbështetëse.

Gjatë takimit, Ministrja Haxhiu theksoi rëndësinë e angazhimit të Ministrisë së Drejtësisë për ndjekjen e hapave të mëtejshëm drejt implementimit të këtij udhëzimi për të ofruar mbështetje të qëndrueshme për këtë shërbim të përkrahjes e cila mund të ofrohet nga ofrues të shërbime jo qeveritare të licencuar.