Zëvendësministri i Drejtësisë në detyrë, Blerim Sallahu sot ka pritur në takim homologun e tij nga Ministria e Drejtësisë së Republikës së Truqisë, Mehmet Yılmaz të shoqëruar nga delegacion turk, Bekir Altun, kryetar i Akademisë së Drejtësisë së Turqisë, Hızır Aslıyüksek, kryetar i Institucionit të Mjekësisë Forenzike, Hasan Kadir Yılmaztekin, Udhëheqës i Departamentit për Marrëdhënie me jashtë të Akademisë së Drejtësisë dhe Nuh Aydin, Sekretar i dytë i Ambasadës Turke në Kosovë.

Gjatë këtij takim zëvendësministri në detyrë z. Sallahu tregoi për të arriturat e Ministrisë së Drejtësisë duke theksuar: Reformën në Drejtësi dhe Sundimin e Ligjit, Luftimin e Korrupsionit, Reformën në Drejtësinë Penale, Civile dhe Administrative dhe adresimin e Krimeve të Luftës.

Po ashtu zëvendësministri në detyrë z. Sallahu foli për bashkëpunimin e Ministrisë së Drejtësisë me trupat ndërkombëtare për të drejtat e njeriut, si Komisioni i Venecias, në hartimin e legjislacionit kyç dhe përparimin e Republikës së Kosovës në raportet dhe indeksët ndërkombëtarë për sundimin e ligjit dhe luftën kundër korrupsionit.

Tutje dy zëvendësministrat e Drejtësisë diskutuan për çështje me rëndësi të veçantë për bashkëpunimin dypalësh dhe prioritetet në fushën e sundimit të ligjit si dhe ri konfirmuar marrëdhëniet mes Republikës së Kosovës dhe Republikës së Turqisë, veçanërisht në fushën e drejtësisë.