Agjencia për Ndihmë Juridike Falas
Vegëza e ueb faqes së Agjencisë për Ndihmë Juridike Falas: https://anjf.rks-gov.net/
ANJF është Agjenci Ekzekutive në kuadër të Ministrisë së Drejtësisë, e vetmja në Republikën e Kosovës, përgjegjëse për organizimin dhe ofrimin e Ndihmës Juridike Falas. Funksionin dhe përgjegjësinë e vet e ushtron në pajtim me Ligjin nr. 04/L-017 për Ndihmë Juridike Falas, i cili ka hyrë në fuqi në mars të vitit 2012, Ligjin Nr. 08/L-035 për Ndryshimin dhe Plotësimin e Ligjit Nr. 04/L-017 për Ndihmë Juridike Falas dhe Ligjin Nr. 08/L-063 – për Ndryshimin dhe Plotësimin e Ligjeve që kanë të bëjnë me Racionalizimin dhe Vendosjen e Vijave Llogaridhënëse të Agjencive të Pavarura.
Ndihma Juridike Falas ofrohet nëpërmjet 7 (shtatë) zyrave rajonale për ndihmë juridike falas të cilat funksionojnë në: Prishtinë, Mitrovicë, Pejë, Prizren, Gjilan, Gjakovë dhe Ferizaj dhe përmes 14 (katërmbëdhjetë) zyrave mobile të cilat funksionojnë në komunat në vijim: Fushë Kosovë, Drenas, Deçan, Istog, Suharekë, Dragash, Mitrovicë Veriore, Zveçan, Leposaviq, Zubin Potok, Malishevë, Graçanicë, Skenderaj dhe Kamenicë.
Vizioni dhe Misioni i Agjencisë për Ndihmë Juridike Falas
- Personat në nevojë dhe grupet e margjinalizuara në Republikën e Kosovës kanë qasje të barabartë në drejtësi dhe u ofrohet Ndihma Juridike Falas cilësore nga ANJF-ja dhe partnerët e saj mbështetës.
- ANJF është e përkushtuar të ofrojë Ndihmë Juridike Falas duke siguruar qasje të barabartë në drejtësi për të gjithë qytetarët e Republikës së Kosovës, veçanërisht për grupet e margjinalizuara.
- ANJF qëndron e përkushtuar në shërbim të gjithë atyre që i plotësojnë kriteret e përcaktuara me ligj për t’iu ofruar Ndihma Juridike Falas, veçanërisht duke respektuar parimet e drejtësisë dhe sundimit të ligjit.
Në përputhje me Ligjin për Ndihmë Juridikë Falas, ndihma juridike falas jepet për këto lloje:
– informatat dhe këshillat juridike lidhur me procedurat ligjore;
– përpilimin e shkresave dhe tërë asistencën tjetër teknike që ka të bëjë me kompletimin e lëndës; dhe
– përfaqësimin në procedurën Civile, Penale, Administrative dhe Kundërvajtëse.
Organizimi institucional i Agjencisë për Ndihmë Juridike Falas është:
- Drejtori Ekzekutiv
- Departamenti i Financave dhe Shërbimeve të Përgjithshme
- Departamenti për Shërbime Juridike
- Divizioni për Ofrimin e Ndihmës Juridike Falas
- Zyrat Rajonale për Ndihmë Juridike Falas
- Zyrat Mobile për Ndihmë Juridike Falas
Kontakt:
Drejtor Ekzekutiv i ANJF-së:
Z/Znj.
Tel. 038/200 18 941
E-mail.
Adresa: Rruga Zenel Salihu nr.30 – Prishtinë
Agjencia për Ndihmë Juridike Falas
Numrin pa pagesë: 0800 11 777
