Misioni i Departamentit Ligjor është që korniza ligjore e sistemit të drejtësisë të jetë cilësore dhe në përputhje me rendin kushtetues, i përafruar me legjislacionin e Bashkimit Evropian (Acquis të BE-së) dhe standardet ndërkombëtare.

Detyrat dhe përgjegjësitë e Departamentit Ligjor janë:

• Propozon, harton dhe siguron zbatimin e legjislacionit parësor dhe dytësor, për sistemin e drejtësisë dhe nga fushëveprimi i Ministrisë;
• Bën harmonizimin e legjislacionit të propozuar nga Ministria me Acquis të BE-së, standardet ndërkombëtare, dhe ligjet e aplikueshme në Republikën e Kosovës;
• Ofron rekomandime dhe këshilla ligjore për strukturat e Ministrisë si dhe mbështetje ligjore në hartimin e dokumenteve të ndryshme;
• Përgatit opinione ligjore nga fushëveprimi i Ministrisë, sipas kërkesës;
• Mbështet përgatitjen e dokumenteve të politikave nga fushëveprimi i Ministrisë;
• Bashkëpunon me Avokaturën Shtetërore në përfaqësimin e Qeverisë si dhe autoriteteve tjera publike në procedurat gjyqësore dhe të arbitrazhit.

Drejtori i Departamentit Ligjor raporton tek Sekretari i Përgjithshëm.

Departamenti Ligjor përbëhet nga divizionet si në vijim:

• Divizioni për Legjislacionin e Fushës Penale dhe për Organizimin e Sistemit të Drejtësisë;
• Divizioni për Legjislacionin e Fushës Civile dhe Administrative.

Kontakt:

Zëvendësuese e Drejtorit të Departamentit Ligjor:

Znj. Feride Podvorica

E-mail: feride.podvorica@rks-gov.net

Tel: +383/ 038200 67 082

Adresa: Ministria e Drejtësisë

Ndërtesa e Re e Qeverisë (ish ndërtesa e Rilindjes)

Kati VII, Zyra nr.704, Prishtinë, Kosovë.

1.1 Divizioni për Legjislacionin e Fushës Penale dhe për Organizimin e Sistemit të Drejtësisë

Detyrat dhe përgjegjësitë e Divizionit për Legjislacionin në Fushën Penale dhe për Organizimin e Sistemit të Drejtësisë janë:

• Propozon, harton dhe siguron zbatimin e legjislacionit nga fusha penale dhe të natyrës institucionale dhe organizative të sistemit të drejtësisë;
• Përafron legjislacionin e fushës penale dhe të natyrës institucionale dhe organizative të sistemit të drejtësisë me Acquis të BE-së dhe standardet ndërkombëtare;
• Ofron rekomandime dhe këshilla ligjore për strukturat e Ministrisë;
• Ofron mbështetje ligjore në hartimin e propozim vendimeve, propozim marrëveshjeve, propozim memorandumeve, propozim kontratave dhe dokumenteve tjera;
• Përgatit opinione ligjore nga fusha penale dhe e natyrës institucionale dhe organizative të sistemit të drejtësisë, sipas kërkesës;
• Ofron mbështetje në përgatitjen e dokumenteve strategjike dhe koncept dokumenteve për fushat e ndërlidhura me fushëveprimin e Divizionit;
• Vlerëson zbatimin e legjislacionit nga fusha penale dhe e natyrës institucionale dhe organizative të sistemit të drejtësisë, për zbatimin e dispozitave ekzistuese në fuqi dhe propozon masa konkrete lidhur me to;
• Ofron rekomandime dhe këshilla ligjore, si dhe mbështet përgatitjen e shkresave dhe dokumenteve tjera relevante për Avokaturën Shtetërore, në procedurat gjyqësore dhe të arbitrazhit, të ndërlidhura me fushëveprimin e Divizionit;
• Ofron komente institucioneve përkatëse në fazën e konsultimeve paraprake nëse projekt-aktet përmbajnë dispozita të natyrës ndëshkimore penale ose të kundërvajtjes, si dhe propozon ato ose rekomandon ndryshimin e tyre.

Udhëheqësi i Divizionit për Legjislacionin e Fushës Penale dhe për Organizimin e Sistemit të Drejtësisë raporton tek Drejtori i Departamentit Ligjor.

Kontakt:

Udhëheqësi i Divizionit për Legjislacionin e Fushës Penale dhe për Organizimin e Sistemit të Drejtësisë

Z/Znj.

Email: @rks-gov.net;

Tel:

Adresa: Ministria e Drejtësisë
Ndërtesa e Re e Qeverisë (ish ndërtesa e Rilindjes)

1.2 Divizioni për Legjislacionin e Fushës Civile dhe Administrative

Detyrat dhe përgjegjësitë e Divizionit për Legjislacionin e Fushës Civile dhe Administrative janë:

• Propozon, harton dhe bën zbatimin e legjislacionit nga fusha civile dhe administrative;
• Përafron legjislacionin e fushës civile dhe administrative me Acquis të BE-së dhe standardet ndërkombëtare;
• Ofron rekomandime dhe këshilla ligjore për strukturat e Ministrisë;
• Ofron mbështetje ligjore në hartimin e propozim vendimeve, propozim marrëveshjeve, propozim memorandumeve, propozim kontratave dhe dokumenteve tjera;
• Jep opinione ligjore nga fusha civile dhe administrative;
• Mbështet përgatitjen e dokumenteve strategjike dhe koncept dokumenteve për fushat e ndërlidhura me fushëveprimin e Divizionit;
• Vlerëson zbatimin e legjislacionit nga fusha civile dhe administrative, për zbatimin e dispozitave ekzistuese në fuqi dhe propozon masa konkrete lidhur me to;
• Ofron rekomandime dhe këshilla ligjore, si dhe mbështet përgatitjen e shkresave dhe dokumenteve tjera relevante për Avokaturën Shtetërore, në procedurat gjyqësore dhe të arbitrazhit, të ndërlidhura me fushëveprimin e Divizionit;
• Ofron komente për institucionet përkatëse në fazën e konsultimeve paraprake për ndërlidhjen e projekt-akteve me legjislacionin e fushës civile ose administrative.

Udhëheqësi i Divizionit për Legjislacionin e Fushës Civile dhe Administrative raporton tek Drejtori i Departamentit Ligjor.

Kontakt:

Udhëheqësi i Divizionit për Legjislacionin e Fushës Penale dhe për Organizimin e Sistemit të Drejtësisë

Z/Znj.

Email: @rks-gov.net;

Tel:

Adresa: Ministria e Drejtësisë
Ndërtesa e Re e Qeverisë (ish ndërtesa e Rilindjes)