Departamenti për Politika të Shërbimeve Sociale dhe Familjare

Misioni i Departamentit për Politika të Shërbimeve Sociale dhe Familjare është që shërbimet sociale dhe familjare të jenë cilësore dhe të qasshme për qytetarët në nevojë sociale.

Detyrat dhe përgjegjësitë e Departamentit për Politika të Shërbimeve Sociale dhe Familjare janë:

• Propozon, harton dhe bën zbatimin e legjislacionit parësor dhe dytësor, nga fushëveprimi i shërbimeve sociale dhe familjare dhe mbrojtjes së fëmijëve dhe të rinjve;
• Propozon dhe harton politikat, programet dhe strategjitë për shërbime sociale dhe familjare, mbrojtje të fëmijëve dhe të rinjve;
• Koordinon planifikimin dhe menaxhimin e buxhetit për shërbime sociale dhe familjare në nivel qendror;
• Propozon, harton dhe monitoron zbatimin e standardeve minimale për shërbime sociale dhe familjare;
• Menaxhon me skemat e përfitimeve për pagesat e strehimit familjar dhe kategoritë e tjera, sipas kërkesave të Ministrisë;
• Koordinon dhe mbështet punën e panelit/bordit për vendosjen e fëmijëve në strehim familjar dhe adoptim;
• Ofron mbështetje profesionale dhe administrative për Këshillin përkatës për Shërbime Sociale dhe Familjare, për licencimin dhe trajnimin e ofrueseve individualë të shërbimeve sociale dhe familjare;
• Bashkëpunon me palët e interesuara për avancimin dhe ngritjen profesionale dhe të kapaciteteve të stafit të ofruesve publikë dhe jo qeveritarë, si ofrues të shërbimeve sociale dhe familjare;
• Licencon dhe mban regjistrin e subjekteve juridike publike, organizatave jo qeveritare, sektorit privat dhe individëve të cilat ofrojnë shërbime sociale dhe familjare;
• Inspekton shërbimet sociale dhe familjare.

Drejtori i Departamentit për Politika të Shërbimeve Sociale dhe Familjare raporton tek Sekretari i Përgjithshëm.

Departamenti për Politika të Shërbimeve Sociale dhe Familjare përbëhet nga divizionet si në vijim: 

• Divizioni për Shërbime Sociale dhe Familjare;
• Divizioni për Mbrojtje të Fëmijëve dhe të Rinjve,
• Divizioni për Planifikim, Licencim dhe Trajnim, dhe
• Divizioni për Inspektimin e Shërbimeve Sociale dhe Familjare.

Kontakti:

Drejtori i Departamentit për Politika të Shërbimeve Sociale dhe Familjare

1. Blerim Shabani

Email: blerim.shabani@rks-gov.net

Tel: 038 200 67 450

Adresa: Rr.  UÇK, Qafa 1, pn. 10000 Prishtinë, Kosovë

Divizioni për Shërbime Sociale dhe Familjare

Detyrat dhe përgjegjësitë e Divizionit për Shërbime Sociale dhe Familjare janë:

• Propozon, harton dhe bën politika dhe legjislacion për çështjet e ndërlidhura me funksionimin e shërbimeve sociale dhe familjare;
• Harton, monitoron dhe bën zbatimin e standardeve minimale të shërbimeve sociale dhe familjare duke mos u kufizuar vetëm në: personat me aftësi të kufizuara, personat e moshuar dhe viktimat e dhunës në familje;
• Monitoron pagesat që realizohen nga niveli qendror;
• Hulumton, mbledh, sistemon, analizon dhe vlerëson të dhënat për kategoritë dhe shërbimet nga fusha e shërbimeve sociale dhe familjare, duke përfshirë institucionet publike, private dhe organizatat jo qeveritare;
• Koordinon aktivitetet me organet komunale dhe monitoron punën e shërbimeve sociale dhe familjare në Qendrat për Punë Sociale dhe institucionet e përkujdesjes sociale dhe familjare;
• Bashkëpunon me organizatat jo qeveritare dhe sektorin privat në fushën e shërbimeve sociale dhe familjare;
• Shqyrton dhe monitoron kërkesat e Qendrave për Punë Sociale për vendosjen e rasteve dhe klientëve në institucionet rezidenciale dhe qendrat e përkujdesjes sociale dhe familjare;
• Ofron mbështetje dhe monitoron shërbimet e institucioneve rezidenciale dhe shtëpive të komunitetit për persona me aftësi të kufizuara dhe persona të moshuar;
• Koordinon dhe harton programet kundër dhunës në familje, sanimin e marrëdhënieve familjare, fuqizimin e familjes dhe marrëdhënieve familjare;
• Koordinon dhe merr pjesë në hartimin e programeve të ofrimit të shërbimeve për mbrojtjen e viktimave të trafikimit me qenie njerëzore dhe krimeve seksuale;
• Bashkëpunon në mënyrë të ndërsjellë me institucionet vendore dhe mekanizmat ndërkombëtarë, për ofrimin e shërbimeve sociale dhe familjare për qytetarët në nevojë sociale;
• Menaxhon bazën e të dhënave për shërbime sociale dhe familjare.

Udhëheqësi i Divizionit për Shërbime Sociale dhe Familjare raporton tek Drejtori i Departamentit për Politika të Shërbimeve Sociale dhe Familjare.

Kontakti:

Udhëheqëse e Divizionit për Shërbime Sociale dhe Familjare

Znj. Adile Shaqiri

E-mail: adile.shaqiri@rks-gov.net

Tel: 038 200 67 451

Adresa: Rr.  UÇK, Qafa 1, pn, 10000 Prishtinë, Kosovë

Divizioni për Mbrojtje të Fëmijëve dhe të Rinjve

Detyrat dhe përgjegjësitë e Divizionit për Mbrojtje të Fëmijëve dhe të Rinjve janë:

• Propozon dhe harton politikat dhe legjislacionin për mbrojtjen dhe ofrimin e shërbimeve sociale dhe familjare për fëmijët dhe të rinjtë;
• Harton, monitoron dhe siguron zbatimin e standardeve minimale për ofrimin e shërbimeve të mbrojtjes sociale dhe familjare për fëmijët dhe të rinjtë;
• Përcakton standardet për themelimin dhe funksionimin e Shtëpive për Mbrojtjen e Fëmijës;
• Monitoron dhe siguron zbatimin e legjislacionit dhe standardeve minimale për shërbimet e mbrojtjes së fëmijëve dhe të rinjve;
• Bën ngritjen e kapaciteteve në fushën e mbrojtjes së fëmijëve dhe të rinjve dhe strukturave institucionale të kujdesit dhe mbrojtjes sociale dhe familjare në nivel qendror dhe lokal;
• Koordinon dhe monitoron aktivitetet për mbrojtje të fëmijëve dhe të rinjve me Qendrat për Punë Sociale dhe Shtëpitë për Mbrojtje të Fëmijëve;
• Bashkëpunon me organizata vendore dhe ndërkombëtare dhe monitoron ofrimin e shërbimeve për mbrojtje të fëmijëve dhe të rinjve nga sektori joqeveritar i licencuar dhe kontraktuar nga Ministria;
• Harton, monitoron dhe bën zbatimin e standardeve dhe procedurave për format themelore të mbrojtjes sociale për fëmijët në kujdestari, strehim familjar dhe adoptim;
• Zhvillon programe të mbrojtjes dhe të riintegrimit për fëmijët e braktisur, fëmijët pa kujdes prindëror, fëmijët në situatë rruge, fëmijët në format e rënda të punës, fëmijët e keqtrajtuar, fëmijët e neglizhuar, fëmijët dhe të rinjtë me sjellje asociale, fëmijët e pashoqëruar dhe fëmijët dhe të rinjtë me aftësi të kufizuara;
• Harton standardet dhe monitoron funksionimin e Tryezave të Menaxhimit të Rasteve, në ofrimin e shërbimeve për mbrojtje të fëmijëve dhe të rinjve;
• Hulumton, mbledh, sistemon, analizon dhe vlerëson të dhënat për fëmijët dhe të rinjtë në sistemin e mbrojtjes sociale në bashkëpunim me institucionet tjera relevante;
• Koordinon dhe monitoron pagesat e realizuara nga skemat për mbështetjen e fëmijëve dhe të rinjve në nevojë sociale;
• Menaxhon bazën e të dhënave për fëmijët dhe të rinjtë që janë të regjistruar dhe që kanë nevojë për mbrojtje dhe shërbime sociale;
• Ofron mbështetje profesionale për Këshillin e Përgjithshëm për Shërbime Sociale dhe Familjare në fushën e mbrojtjes së fëmijëve dhe të rinjve, në funksion të edukimit të vazhdueshëm dhe ngritjen e kapaciteteve për ofruesit individual të shërbimeve sociale dhe familjare;
• Bën ngritjen e kapaciteteve në fushën e mbrojtjes së fëmijëve dhe të rinjve, të të gjitha strukturave institucionale, që kanë detyrë dhe përgjegjësi mbrojtjen e fëmijëve dhe të rinjve, në nivel qendror dhe lokal;
• Krijon një sistem të konsoliduar të menaxhimit, raportimit dhe monitorimit të cilësisë së shërbimeve për mbrojtjen e fëmijëve dhe të rinjve, dhe
• Zhvillon dhe monitoron zbatimin e programeve dhe standardeve për format themelore të mbrojtjes juridike e sociale për fëmijët në kujdestari, strehim familjar strehim rezidencial, shtëpitë me bazë në komunitet, adoptim, si dhe për të rinjtë në kuadër të formës jetesa e pavarur e mbikëqyrur.

Udhëheqësi i Divizionit për Mbrojtje të Fëmijëve dhe të Rinjve raporton tek Drejtori i Departamentit për Politika të Shërbimeve Sociale dhe Familjare.

Kontakti:

Udhëheqëse e Divizionit për Mbrojtje të Fëmijëve dhe të Rinjve

Znj. Magbule Koci

E-mail: magbule.koci@rks-gov.net

Tel: 038 200 67 452

Adresa: Rr.  UÇK, Qafa 1, pn, 10000 Prishtinë, Kosovë

Divizioni për Planifikim, Trajnim dhe Licencim

Detyrat dhe përgjegjësitë e Divizionit për Planifikim, Trajnim dhe Licencim janë:

• Menaxhon dhe koordinon procesin e regjistrimit dhe licencimit të ofruesve të shërbimeve sociale dhe familjare;
• Menaxhon bazën e të dhënave për subjektet juridike dhe ofruesit individual të licensuar në fushën e shërbimeve sociale dhe familjare;
• Identifikon dhe vlerëson nevojat për trajnimet e punëtorëve social dhe stafit të institucioneve, të cilat janë ofrues të shërbimeve sociale dhe familjare;
• Identifikon nevojat për financim nga fondet e BE-së dhe donatorët e tjerë të cilët ofrojnë mbështetje për trajnime në fushën e shërbimeve sociale dhe familjare;
• Propozon plane dhe programe për ngritjen e aftësive profesionale të zyrtarëve të shërbimeve sociale dhe punëtorëve social;
• Harton standardet e profesionit dhe moduleve të trajnimit, për akreditim të programit të trajnimit dhe edukimit të vazhdueshëm;
• Koordinon aktivitetet dhe bashkëpunon me organizata për zbatimin e programeve të trajnimit në fushën e shërbimeve sociale dhe familjare.

Udhëheqësi i Divizionit për Planifikim, Trajnim dhe Licencim, raporton tek Drejtori i Departamentit për Politika të Shërbimeve Sociale dhe Familjare.

Kontakti:

Udhëheqësi i Divizionit për Planifikim, Trajnim dhe Licencim

1. Skender Jahaj

E-mail: skender.jahaj@rks-gov.net

Tel: 038 200 67 005

038 200 67 458

Adresa: Rr.  UÇK Qafa 1, pn, 10000 Prishtinë, Kosovë

Divizioni për Inspektimin e Shërbimeve Sociale dhe Familjare

Detyrat dhe përgjegjësitë e Divizionit për Inspektimin e Shërbimeve Sociale dhe Familjare janë:

• Inspekton dhe monitoron zbatimin e dispozitave ligjore dhe standardet minimale të shërbimeve sociale dhe familjare, si dhe Kodin e Etikës për ofruesit e shërbimeve sociale dhe familjare nga sektori publik dhe jo qeveritar;
• Inspekton ambientet e punës, dokumentacionin e licencimit për ofruesit e shërbimeve dhe kontrollon procesin e menaxhimit të rasteve, nga ofruesit e shërbimeve sociale dhe familjare nga sektori publik dhe jo qeveritar;
• Kontrollon zbatimin e procedurave ligjore dhe Procedurave Standarde të Veprimit për vendosjen, strehimin dhe menaxhimin e ofrimit të shërbimeve sociale dhe familjare në institucionet rezidenciale dhe ditore;
• Harton raportet e inspektimit dhe ofron rekomandime për masat dhe veprimet që duhen ndërmarrë nga menaxhmenti për eliminimin e dobësive dhe gabimeve gjatë ofrimit të shërbimeve sociale dhe familjare;
• Propozon dhe ofron rekomandime për ndryshim apo plotësim të standardeve minimale të aprovuara si dhe hartimin e standardeve tjera për fushëveprimin e divizionit;
• Ndërmerr veprime konkrete në përputhje me ligjin, për shqiptimin e masave për personat fizik dhe juridikë që ofrojnë shërbime sociale dhe familjare, si dhe inicion procedurë varësisht nga shkeljet e detyrave të punës që janë bërë nga ofruesit e shërbimeve sociale dhe familjare;
• Harton raportet periodike për aktivitetet e kontrollit dhe inspektimit.

Udhëheqësi i Divizionit për Inspektimin e Shërbimeve Sociale dhe Familjare, raporton tek Drejtori i Departamentit për Politika të Shërbimeve Sociale dhe Familjare.

Kontakti:

Udhëheqëse e Divizionit për Inspektimin e Shërbimeve Sociale dhe Familjare

Znj. Fitore Rexhaj

Email: fitore.rexhaj@rks-gov.net

Tel: 038 200 67 455

Adresa: Rr.  UÇK, Qafa 1, pn, 10000 Prishtinë, Kosovë