Misioni i Departamentit për Politika të Sistemit të Drejtësisë, Profesione të Lira dhe Statistika është që politikat e sistemit të drejtësisë të jenë efektive dhe të bazuara në dëshmi, si dhe që shërbimet e profesioneve të lira të jenë cilësore dhe të qasshme për publikun.

Detyrat dhe përgjegjësitë e Departamentit për Politika të Sistemit të Drejtësisë, Profesione të Lira dhe Statistika janë:

• Harton strategjitë dhe dokumentet e politikave për sistemin e drejtësisë dhe nga fushëveprimi i Ministrisë;
• Ofron mbështetje në hartimin e legjislacionit për sistemin e drejtësisë dhe nga fushëveprimi i Ministrisë;
• Ofron mbështetje në vlerësimin e zbatimit të legjislacionit të sistemit të drejtësisë dhe ofron rekomandime për ndryshimet përkatëse;
• Siguron mbarëvajtjen e procesit të licencimit të profesioneve të lira, mirëmban regjistrat përkatës dhe ushtron funksione tjera mbështetëse lidhur me funksionimin e profesioneve të lira;
• Organizon provimin dhe mbanë evidencë për personat që kanë kaluar provimin për jurisprudencë dhe provimet tjera të profesioneve të lira;
• Mbledh, analizon dhe përgatit raporte për të dhënat e funksionimit të sistemit të drejtësisë;
• Ofron të dhënat përkatëse për funksionimin e sistemit të drejtësisë për strukturat tjera të Ministrisë në procesin e politikëbërjes dhe hartimit të legjislacionit, si dhe tek palët e jashtme sipas kërkesës.

Drejtori i Departamentit për Politika të Sistemit të Drejtësisë, Profesione të Lira dhe Statistika raporton tek Sekretari i Përgjithshëm.

Departamenti për Politika të Sistemit të Drejtësisë, Profesione të Lira dhe Statistika përbëhet nga divizionet si në vijim:

• Divizioni për Politika të Sistemit të Drejtësisë;
• Divizioni për Profesione të Lira
• Divizioni për Statistika dhe Analiza.

Kontakti:

Drejtor i Departamenti për Politika të Sistemit të Drejtësisë, Profesione të Lira dhe Statistika

Z/Znj.

Email:

Tel:

Adresa: Ministria e Drejtësisë

Ndërtesa e Re e Qeverisë (ish ndërtesa e Rilindjes)

Prishtinë, Kosovë

Divizioni për Politika të Sistemit të Drejtësisë

Detyrat dhe përgjegjësitë e Divizionit për Politika të Sistemit të Drejtësisë janë:

• Harton strategji, koncept dokumente dhe dokumente tjera të politikave të Ministrisë për sistemin e drejtësisë;
• Shqyrton rregullisht raportet e brendshme dhe të jashtme për funksionimin e sistemit të drejtësisë dhe propozon politika të reja dhe ndryshime ligjore;
• Ofron mbështetje në hartimin e ligjeve dhe akteve nënligjore të sistemit të drejtësisë;
• Ofron mbështetje në përgatitjen e raporteve për vlerësimin e zbatimit të legjislacionit të sistemit të drejtësisë;
• Bashkëpunon me gjykatat, prokuroritë dhe institucionet tjera të sistemit të drejtësisë në procesin e hartimit të politikave të Ministrisë për sistemin e drejtësisë;

Udhëheqësi i Divizionit për Politika të Sistemit të Drejtësisë raporton tek Drejtori i Departamentit për Politika të Sistemit të Drejtësisë, Profesione të Lira dhe Statistika.

Kontakti:

Udhëheqësi i Divizionit për Politika të Sistemit të Drejtësisë

Z/Znj.

Email:

Tel:

Adresa: Ministria e Drejtësisë

Ndërtesa e Re e Qeverisë (ish ndërtesa e Rilindjes)

Prishtinë, Kosovë

Divizioni për Profesione të Lira

Detyrat dhe përgjegjësitë e Divizionit për Profesione të Lira janë:

• Siguron mbarëvajtjen e procesit të licencimit të profesioneve të lira, duke ofruar mbështetje për komisionet përkatëse dhe Ministrin e Drejtësisë;
• Organizon provimin dhe mban evidencë për personat që kanë kaluar provimin për jurisprudencë, noteri, përmbarues privat, administratorë falimentues dhe profesione tjera të lira;
• Mirëmban regjistrat përkatës të noterëve, përmbaruesve privat, ndërmjetësuesve, administratorëve falimentues dhe profesioneve tjera të lira, në pajtim me legjislacionin në fuqi.
• Ofron mbështetje për mbarëvajtjen e punës së komisioneve të ndryshme të themeluara lidhur me funksionimin e profesioneve të lira;
• Ofron mbështetje në hartimin e strategjive, dokumenteve të politikave dhe legjislacionit për profesionet e lira;
• Përgatit udhëzues për funksionimin e profesioneve të lira, në bashkëpunim me odat përkatëse të profesioneve të lira, organet dhe institucionet tjera të sistemit të drejtësisë;
• Planifikon dhe zbaton aktivitete për ngritjen e kapaciteteve të profesioneve të lira në pajtim me legjislacionin në fuqi, dhe
• Bashkëpunon me odat përkatëse të profesioneve të lira, organet dhe institucionet tjera të sistemit të drejtësisë në procesin e hartimit të politikave dhe legjislacionit, licencimit të profesioneve të lira dhe ngritjes së kapaciteteve.

Udhëheqësi i Divizionit për Profesione të Lira raporton tek Drejtori i Departamentit për Politika të Sistemit të Drejtësisë, Profesione të Lira dhe Statistika.

Kontakti:

Udhëheqësi i Divizionit për Profesione të Lira

Z/Znj.

Email:

Tel:

Adresa: Ministria e Drejtësisë

Ndërtesa e Re e Qeverisë (ish ndërtesa e Rilindjes)

Prishtinë, Kosovë

Divizioni për Statistika dhe Analiza

Detyrat dhe përgjegjësitë e Divizionit për Statistika dhe Analiza janë:

• Mbledh, përpunon dhe analizon të dhënat statistikore për funksionimin e sistemit të drejtësisë nga institucionet dhe organet relevante, përfshirë bazat e të dhënave përkatëse;
• Përgatit raporte për strukturat e Ministrisë dhe raporte publike për funksionimin e sistemit të drejtësisë;
• Zhvillon procesin e vlerësimit të ndikimit të politikave të reja të Ministrisë dhe ofron mbështetje në vlerësimin e zbatimit të legjislacionit;
• Bashkëpunon me organet dhe institucionet vendore, organizatat jo-qeveritare dhe organizatat ndërkombëtare të cilat punojnë në fushën e mbledhjes, përpunimit dhe analizimit të statistikave në fushën e drejtësisë;
• Harton politika dhe standarde të punës në fushën e mbledhjes, përpunimit, analizës dhe ofrimit të informacionit për të dhënat statistikore;
• Vlerëson dhe analizon projektet ekzistuese kërkimore, si dhe përgatit projekte dhe metodologji kërkimore në fushën e drejtësisë;
• Bën hulumtime të opinionit publik në sistemin e drejtësisë, dhe publikon rezultatet e tyre.

Udhëheqësi i Divizionit për Analiza dhe Statistika raporton tek Drejtori i Departamentit për Politika të Sistemit të Drejtësisë, Profesione të Lira dhe Statistika.

Kontakti:

Udhëheqësi i Divizionit për Analiza dhe Statistika

Z/Znj.

Email:

Tel:

Adresa: Ministria e Drejtësisë

Ndërtesa e Re e Qeverisë (ish ndërtesa e Rilindjes)

Prishtinë, Kosovë