IHKL do të hapë ekspozitën “Shkatërrimi i trashëgimisë kulturore në Kosovë 1998-1999”

 Nga data 8 deri me 14 tetor 2012, në Muzeun Kombëtar në Tiranë (Shqipëri), Instituti për Hulumtimin e Krimeve të Luftës (IHKL), i cili funksionon në kuadër të Ministrisë së Drejtësisë, do të hapë ekspozitën “Shkatërrimi i trashëgimisë kulturore në Kosovë 1998-1999”.

Në hapjen zyrtare të kësaj ekspozitë, e cila do bëhet me 8 tetor 2012, në ora 18:00, janë ftuar të marrinë pjesë përfaqësues të institucioneve politike dhe kulturore nga Kosova e Shqipëria, si dhe kori diplomatik i akredituar në Tiranë. 

Në këtë ekspozitë e cila do jetë e hapur për 7 ditë me radhë, të interesuarit mund të gjejnë fotografi të objekteve kulturorë – historike dhe objekteve arkitektonike, para dhe pas shkatërrimit të tyre.