Zëvendësministri i Drejtësisë, Florian Dushi, sot zhvillojë një takim koordinues me përfaqësues të Komisionit Qeveritar për të pagjeturit, ku të pranishëm ishin kryesuesi i delegacionit për bisedime për personat e pagjetur z. Ibrahim Makolli, Kryetari i Komisionit Qeveritar për Personat e Pagjetur z. Prenk Gjetaj dhe përfaqësuesja nga Ambasada Britanike znj. Miranda Shala. 

Vazhda e takimit u shtri rreth koordinimit dhe ndarjes së përgjegjësive mes akterëve dhe zyrave kompetente në raport me fatin e personave të pagjetur, në mënyrë që të ecet përpara në këtë segment, sidomos ndaj obligimeve në terren ku problemet shfaqen nga faktor të ndryshëm, duke filluar nga mungesa e ekspertëve të mjaftueshëm e deri tek problemet teknike. 

Zëvendësministri Dushi shprehu përkushtimin institucional për përkrahje të vazhdueshme për intensifikimin e aktiviteteve rreth fatit të personave të pagjetur, njëherit përshëndeti edhe gatishmërinë e Ambasadës Britanike në Kosovë për ndihmën e ofruar në raport me zbardhjen e fatit të personave të pagjetur. Njëherit zëvendësministri Dushi i njoftoi të pranishmit se tani gjendemi në fazën e hartimit të Strategjisë për fushën e mjekësisë ligjore dhe çështja e të pagjeturve do të zë vend në këtë strategji. 

Gjatë këtij takimi, u dakorduan të gjithë që intensifikimi i takimeve të këtij niveli me qëllim të koordinimit rreth punës dhe angazhimeve për fatin e personave të pagjetur do të kontribuoj edhe më tej, deri në finalizimin e këtij qëllimi.