Zëvendëskryeministri dhe Ministri i Drejtësisë, Prof. Dr. Hajredin Kuçi i ftuar nga Instituti Demokratik Kosovës (KDI), dhe Transparency International Kosova (TIK), kanë organizuar një takim publik me temën : “Luftimi i krimit të organizuar dhe pasurisë së paligjshme – baza ligjore”, që u mbajtë  në Prishtinë.

Gjatë takimit, në fjalën e tij Ministri i Drejtësisë, dha garancinë dhe premtoi publikisht se “ Ligji do të bëhet sipas standardeve ndërkombëtare dhe në koordinim me faktorët relevant, si EULEX-i, Ambasada Amerikane dhe Shoqëria Civile”.

Po ashtu Ministri Kuçi, premtoi se “ligji do të jetë funksional dhe i zbatueshëm në Kosovë dhe për shoqërinë kosovare, për të gjithë qytetarë e Republikë së  Kosovës. Gjatë fjalimit të tij, Ministri Kuçi, foli edhe për rëndësinë e këtij ligji, por po ashtu shpjegoi edhe hapat e marrë nga Ministria e Drejtësisë deri më tani e që lidhen me Pasurimin e paligjshëm në Kosovë. 

Ministri Kuçi,  përmendi se gjatë vitit të kaluar është miratuar “Ligji për deklarimin, kontrollin dhe prejardhjen e pasurisë së zyrtarëve publik”, është përmirësuar ligji Antikorrupsion dhe Agjencia Antikorrupsion, pastaj janë shënuar edhe shumë suksese janë përmirësuar apo janë miratuar ligje të tjera  që lidhen me këtë çështje.