Qëllimi i tij ishte të kuptuarit më gjerësisht të strukturave rajonale, për të shkëmbyer përvojat dhe praktikat më të mira në mekanizmat e konfiskimit, administrimit dhe shitjes së pasurive të sekuestruara dhe të konfiskuara. 

Në shtator të vitit 2017 nën kryesimin e Presidencës së BAMIN të Agjencisë për Administrimin e Pasurisë së Sekuestruar dhe të Konfiskuar, nën organizimin e TAIEX dhe mbështetjen e Projektit të BE-së “Mbështetje e mëtejshme institucioneve të Kosovës në luftën kundër krimit të organizuar, korrupsionit dhe ekstremizmit të dhunshëm” ka organizuar një Punëtori, ku pjesëmarrës ishin përfaqësues nga shtetet e Ballkanit Perëndimor: të Shqipërisë, Kroacisë, Malit të Zi, IRJ të Maqedonisë, Bosnjës dhe Hecegovinës dhe Sllovenisë, e cila Punëtori kishte për synim  mbështetjen e institucioneve në luftimin e krimit dhe rritjen e bashkëpunimit rajonal, për të shkëmbyer përvojat dhe praktikat më të mira në mekanizmat e konfiskimit, administrimit dhe shitjes së pasurive të sekuestruara dhe të konfiskuara. 

Kosova ka dorëzuar Presidencën e BAMIN-it për vitin 2018 tek ish R.J. Maqedonia, e cila e kryeson ketë vit. Presidencat e radhës do ti kenë Bosnja dhe Hercegovina në vitin 2019 dhe Mali i Zi në vitin 2020. Kosova vazhdon të jete në Këshillin Drejtues BARIN (Këshilli Drejtues do të përbëhet nga tre anëtarë; Presidenca aktuale e BARIN-it, Presidenca e mëparshme dhe Presidenca vijuese).

Takimi me temën: Praktikat më të mira të BE-së për Rikthimin dhe Menaxhimin e Pasurisë

Këtë vit, R.J. Maqedonia organizoi Koferencën me temën: Praktikat më të mira të BE-së për Rikthimin dhe menaxhimin e Pasurisë. Pjesëmarrës ishin përfaqësues nga shtetet e Ballkanit Perëndimor: të Shqipërisë, Malit të Zi, IRJ të Maqedonisë, Bosnjës dhe Hercegovinës, Serbia, si dhe përfaqësues të Zyrës së EUROPOL për  Pasuritë Kriminale; Belgjikës, Holandës, Anglisë, Irlandës dhe Bullgarisë, si dhe kompania private e kontraktuar nga njësitet e rikthimit të pasurisë në Britaninë e Madhe. 

Çdo anëtar i juridiksionit ka ofruar përditësimet sa i përket themelimit të ZAP-ëve të tyre dhe një pasqyrë të bashkëpunimit ndër-agjenci në lidhje me administrimin e pasurisë së konfiskuar kriminale.

Në këtë Punëtori dyditore janë diskutuar të arriturat dhe sfidat sa i përket rikthimit të pasurive, si dhe praktikat më të mira në këtë fushë, me fokus menaxhimin e pasurive të sekuestruara dhe të konfiskuara në përgjithësi, ku në veçanti është diskutuar për ruajtjen e pasurive  të sekuestruara/konfiskuar; shitjen e pasurisë së sekuestruar, si dhe menaxhimi i pasurisë së sekuestruar të kompanive.

Po ashtu, punëtoria ishte një mundësi e mirë për të shpalosur dhe diskutuar punën tonë në administrimin e pasurisë së sekuestruar dhe për të shkëmbyer praktikat më të mira në këtë fushë, por pse jo edhe për problemet të cilat janë shfaqur në rrugën drejt  objektivave tona.