Gjatë vizitës, Ministri Sallahu u njoh nga afër me punën, shërbimet dhe angazhimin e stafit të strehimores në mbështetje të grave dhe fëmijëve që kërkojnë siguri dhe mbrojtje. Ai vlerësoi rolin e tyre dhe theksoi rëndësinë që institucionet shtetërore të jenë gjithmonë pranë mekanizmave që punojnë çdo ditë për parandalimin dhe adresimin e dhunës.

“Fenomeni i dhunës në familje është një koncept i gjërë dhe kërkon edhe vedijësim, andaj e rëndësishme është të angazhohemi të gjithë në parandalimin e dhunës ndaj grave”, tha Sallahu.

Në fund, Ministri Sallahu ritheksoi vendosmërinë e Ministrisë së Drejtësisë për të forcuar politikat mbrojtëse, koordinimin institucional dhe standardet e shërbimeve për të gjitha viktimat e dhunës.