Gjatë takimit, Ministri Sallahu u informua nga drejtoresha e Qendrës, Zana Hamiti Asllani rreth punës së QMGF-së, sfidave dhe nevojave në ofrimin e shërbimeve për viktimat e dhunës, si dhe kushteve aktuale në të cilat funksionon kjo strehimore.

Në këtë kuadër, Ministri Sallahu theksoi përkushtimin e Ministrisë së Drejtësisë për shërbimet sociale dhe familjare, duke rikujtuar se buxheti për këto shërbime është rritur në 2.5 milionë euro. Ai tha se kjo mbështetje synon forcimin e kapaciteteve të strehimoreve dhe përmirësimin e qasjes në shërbime për të gjitha kategoritë që kërkojnë mbrojtje.