Ministria e Drejtësisë e përkushtuar në përmirësimin e standardeve të trajtimit të personave të privuar nga liria

Në këtë takim, u prezantua dhe diskutua ideja e sistemimit dhe trajtimit të veçantë për grupet e ndjeshme në institucionet korrektuese si: të dënuar me çrregullime mendore, të dënuar të moshuar dhe handikep, si dhe të dënuar në varësi të substancave narkotike.

SHKK, së bashku me partnerët ndërkombëtarë, ditëve në vijim do të punojë në akomodimin e hapësirave të një pavijoni të veçantë në Qendrën Korrektuese në Dubravë për vendosjen dhe trajtimin e këtyre kategorive në bazë të nevojave dhe kërkesave të tyre, duke u mbështetur në standarde të afirmuara ndërkombëtare dhe praktika të mira.