Në këtë ngjarje, ministrja Haxhiu theksoi rëndësinë e trajtimit të ngacmimeve seksuale si një çështje me prioritet për qeverinë dhe Ministrinë e Drejtësisë, duke vënë theksin mbi përgjegjësinë e përbashkët për ndërtimin e një shoqërie më të sigurt dhe të respektuar.

Sipas ministres Haxhiu, ngacmimi seksual nuk është vetëm një shkelje ligjore, por një sulm ndaj dinjitetit të individit, një pengesë për barazinë gjinore dhe përmban pasoja serioze për mjedisin e punës. Ajo theksoi se zbatimi rigoroz i legjislacionit ekzistues është jetik për të siguruar integritetin e institucioneve publike dhe për të ruajtur besimin e qytetarëve. Ministrja gjithashtu theksoi nevojën për një ndërgjegjësim më të madh në administratën publike, duke reflektuar këtë ndërgjegjësim edhe në shoqëri në tërësi.

Në përfundim, ministrja Haxhiu u bëri thirrje të gjithë punonjësve të administratës publike që të jenë të vetëdijshëm për të drejtat e tyre dhe të përdorin mekanizmat e raportimit në rastet e ngacmimeve. Ajo gjithashtu shprehu përkushtimin e saj për bashkëpunim të ngushtë me organizatat e shoqërisë civile për të forcuar luftën kundër ngacmimeve seksuale dhe për të krijuar një mjedis pune të sigurt dhe të barabartë për të gjithë.