Në fjalën e saj, ministrja Haxhiu tha se në 32 muaj të qeverisjes, luftimi i korrupsionit, krimit të organizuar dhe reformat e brendshme institucionale, kanë qenë top prioritetet e Qeverisë dhe sipas saj Kosova tashmë ka filluar të shënojë rezultate përmbajtjesore në sundimin e ligjit, luftimin e korrupsionit dhe krimit të organizuar.

Të gjitha këto veprime dhe rezultate në fushën e sundimit të ligjit dhe anti-korrupsion, kanë filluar të evidentohen edhe nga raporte dhe indekse ndërkombëtare kredibile, tha ndër të tjera Ministrja e Drejtësisë.