Ministrja Hoxha ka potencuar se “gjithherë, do ta kujtojmë këtë ditë duke shprehur solidaritet me familjet e viktimave të pafajshme dhe të prekurit nga ky sulm i tmerrshëm, kudo në botë”  si dhe “përkrahje të plotë për popullin mik amerikan dhe koalicionin global kundër terrorizmit”.

Ky është postimi i plotë i Ministres Hoxha:

“Sulmi terrorist i 11 Shtatorit 2001, ishte sulm ndaj qytetarëve të pafajshëm, ishte sulm ndaj djepit të demokracisë së përbotshme, Shtetet e Bashkuara dhe sulm ndaj çdo qytetari të lirë.

Sot, si gjithherë, do ta kujtojmë këtë ditë duke shprehur solidaritet me familjet e viktimave të pafajshme dhe të prekurit nga ky sulm i tmerrshëm, kudo në botë.

Po këtë ditë, ka filluar një sfidë dhe përballje e re me ideatorët e sulmeve të tilla makabre dhe shprehim përkrahje të plotë për popullin mik amerikan dhe koalicionin global kundër terrorizmit”, ka shkruar Ministrja Hoxha në rrjetin social.