Duke folur për bashkëpunimin dhe bashkërendimin e aktiviteteve, ministri Selimi ka vlerësuar gatishmërinë dhe përkrahjen e misionit të OSBE-së, i cili mbetet partner i rëndësishëm për Ministrinë e Drejtësisë, veçanërisht në sferën e sundimit të ligjit dhe promovimin e të drejtave të njeriut.

Nga ana tjetër, Ambasadori Braathu shprehu gatishmërinë e tij dhe të misionit të OSBE për të bashkëpunuar dhe asistuar Ministrinë e Drejtësisë me çdo program mbështetjeje teknike për forcimin e kapaciteteve të këtij institucioni në reformat e ndërmarra.