Telegram urimi nga Ministri Kuçi, me rastin e përzgjedhjes së z. Blerim Isufi, Kryesues i Këshillit Prokurorial

Z. Blerim Isufi

Kryesues i Këshillit Prokurorial

I nderuar z.  Isufi,

Përmes  kësaj letre dëshiroj  t'u përciell  urimet  e mia më të  sinqerta  me rastin  e përzgjedhjes suaj në pozitën  e Kryesuesit të Keshillit  Prokurorial.

Funksionimi  i  një  sistemi   gjyqësor   dhe  prokurori  të  pavarur,  efikas  dhe   të  paanshem  eshte prioritet per  te gjitha  institucionet e Kosoves.  Garantimi i funksionalitetit të Keshillit  Prokurorial si organ  qendror është  esencial  për  funksionimin  e drejtë  dhe  efikas  të sistemit  Prokurorial.  Ne, besoj  që kemi  krijuar  një infrastrukture  ligjore  të duhur   për  garantimin e funksionimit të drejtë dhe efikas të sistemit  të drejtesise.  Tani kërkohet  bashkëpunimi institucional në zbatimin  e ligjeve në fuqi dhe kthimin e besimit  të qytetareve në drejtesi.  Ky qëllim mund  të arrihet  përmes  rritjes së transparencës në punë,  efikasitetit të procedimit të rasteve  e veçanërisht në fushat  e ndjeshme që prekin  drejtpërdrejt interesat e qytetarëve.

Duke  pasur  parasysh ndryshimet  legjislative të miratuara gjatë vitit  2015, të cilat kanë  për  qëllim rritjen    e   pavarësisë   së   Këshillit    Prokurorial   dhe    njëkohësisht   rritjen    e   efikasitetit   dhe Ilogaridhënies  së Prokurorëve  dhe  sistemit  prokurorial  në  pergjithesi, konsideroj  se roli juaj  në këtë  mandat   si Kryesuesi i parë  i Këshillit  Prokurorial  ka  një  mision   të veçantë,   të cilin  jam  i sigurt  se do t`a realizoni  me sukses.

Unë  jam  i  bindur   që  përkushtimi  juaj  ndaj  punës   dhe   dëshirës   për  funksionimin  e  sistemit prokurorial  të Kosovës  do  të jetë  faktor  kyç  në  zbatimin e reformave  në  prokurori,  luftimin  e dukurive  negative   dhe  sigurimin  e një  ambienti   më  të  qetë  dhe  më  të  sigurt   për  qytetarët  e Kosovës.

Dëshiroj  të shfrytëzoj  rastin  t'u  shpreh  gatishmërinë   time dhe  të institucionit   që unë  drejtoj për të vazhduar bashkëpunimin  me Juve  dhe  institucionin   që ju drejtoni,  jo vetëm  në fushat  në të cilat tani veçse kemi bashkepunim, me qëllim  të forcimit  edhe  më tutje të sundimit të Rendit  dhe Ligjit në Kosovë.  Unë i`u garantoj  se edhe  më tutje  do të angazhohem  për  krijimin  e parakushteve për funksionimin     e  pavarur   të  prokurorisë  dhe   përmirësimin  e  vazhdueshëm   të  kushteve  në përputhje me standardet Evropiane.

Në këtë  aspekt  kërkesat   dhe  sugjerimet   e juaja  lidhur  me  përmiresimin e infrastrukturës  ligjore janë   gjithmonë    të   mirëseardhura.   Reformimi    i   gjyqësorit    dhe   prokurorisë     është   proces   i vazhdueshem që kërkon  bashkëpunim të ndërsjellë  në mes të institucioneve të drejtësisë.

Kosova  dhe  institucionet    e drejtësisë,   në  veçanti  tani  më  shumë   se  kurrë   duhet   të  dëshmojnë gatishmërinë   për  të luftuar    në mënyrë  të pavarur dhe  efikase  të gjitha  format  e kriminalitetit të cilat  dëmtojnë  jo  vetëm  qytetarët por  edhe  interesat   e Kosovës  në fushën  ndërkombëtare.   

Duke qenë  një ndër  kriteret  për  integrim në Bashkimin  Evropian,   unë  ju ftoj që të bashkëpunojmë    në adresimin   e të gjitha kërkesave  të BE-së në kuadër  të procesit  të liberalizimit   të vizave,  Dialogut  të Stabilizim  Asociimit  dhe proceseve  të tjera në kuadër  të Bashkimit  Evropian.

Unë jam i bindur  që reformat që tashmë  i kemi nisur  së bashku,  do të   arrijnë  suksesin  e dëshiruar vetëm  përmes  punës  sonë  të përbashkët dhe  të devotshme.  Më lejoni që edhe  një herë  të shprehë falenderimin    tim  të sinqertë  për  përkushtimin  tuaj  ndaj  sundimit  të ligjit në  të kaluaren, si dhe besimin   tim  të  plotë  që  kjo nuk  do  të ju  mungojë   as  në  mandatin  tuaj  si Kryesues   i Këshillit Prokurorial

Si Ministër  i Drejtësisë,  dua  të shfrytëzoj  këtë rast për të rikujtuar mbështetjen   time absolute  për të garantuar funksionimin e sistemit  unik  në Kosovë,  si themel  i palekundur i sundimit të ligjit në vendin  tonë.

Për fund  dëshiroj  që edhe  një  herë  dëshiroj  t`u  përcjell urimet  e mia për marrjen  e detyrës  tuaj të re dhe t`u  dëshiroj  shumë  suksese  gjatë mandatit tuaj si Kryesues  i Këshillit  Prokurorial.

Prof. Dr. Hajredin KUÇI

Ministër i Drejtësisë i Republikës së Kosovës