Në këtë mbledhje zhvillimet u diskutuan për projekt amendamentet e fundit të propozuara në Ligjin për Këshillin Prokurorial të Kosovës, si pjesë e pakos së ndryshimeve ligjore të propozuara nga Ministria e Drejtësisë, së bashku me pesë projektligje tjera të cilat rrjedhin nga procesi i zbatimit të “Deklaratës së Përbashkët të Zotimeve” të nënshkruar së bashku me institucionet e drejtësisë në vitin 2023.

Gjatë këtyre punimeve, z. Sallahu theksoi rëndësinë që këto projektligje kanë për të fuqizuar llogaridhënien dhe integritetin në kuadër të sistemit. Shkëmbime u zhvilluan me raportuesit e Komisionit të Venecias në këtë drejtim, çka rezultoi me miratimin e Opinionit përcjellës për amendamentet në Ligjin për Këshillin Prokurorial. Ky Opinion dhe ato tjerat të miratuara në mbledhjen plenare të mëhershme të Komisionit të Venecias për projektligjet e lartpërmendura (Mars 2025), do të shërbejnë si bazë në procesin e finalizimit të këtyre projektligjeve, në konsultim të ngushtë me institucionet e drejtësisë dhe palët tjera me interes në Republikën e Kosovës.