Me ftesë të Shefit të Operacioneve Civile të Komisionit Evropian, Hansjorg Haber dhe Drejtorit të Drejtorisë për Menaxhim të Krizave dhe Planifikim, Walter Stevens, Zëvendëskryeministri dhe Ministri i Drejtësisë, Prof. Dr. Hajredin Kuçi dhe Ministri i Punëve të Brendshme, Bajram Rexhepi, sot kanë udhëtuar për vizitë zyrtare në Bruksel.

Gjatë kësaj vizitë do të diskutohet për bashkëpunimin e institucioneve të Kosovës me EULEX-in, për transferimin e kompetencave nga EULEX-i në institucionet vendore dhe për funksionimin e rendit dhe ligjit në Kosovë.

Po ashtu, gjatë vizitës pritet që Zëvendëskryeministri Kuçi të zhvillojë takime me ambasador të shteteve të Bashkimit Europian të akredituara në Bruksel.