Qëllimi i këtij takimi ishte koordinimi dhe prioritizimi i aktiviteteve pas  miratimit të Strategjisë  Kundër dhunës në Familje, si dhe përpilimi i një kalendari të aktiviteteve të të gjithë akterëve, pasi që vonesa në miratimin e Strategjisë Kombëtare të Republikës së Kosovës Kundër Dhunës në Familje dhe Plani i Veprimit ka shkaktuar vonesë në realizimin e aktiviteteve të parapara.

Gjatë fjalës sё tij, Zëvendësministri Çelaj, para tё pranishmëve tha se tashmë Strategjia është miratuar dhe ne do t`i bashkërendojmë aktivitetet në mënyre që të gjithë së bashku të punojmë në zvogëlimin e rasteve të dhunës në familje, ngritjen e vetëdijes së viktimave e për denoncimin e dhunës në familje dhe profesionalizimin e institucioneve për të iu përgjigjur kërkesave te viktimave.