Misioni i Departamentit për Integrim Evropian dhe Koordinim të Politikave është avancimi i procesit të integrimit evropian të Republikës së Kosovës në fushën e drejtësisë si dhe që politikat e kësaj fushe të jenë të koordinuara dhe harmonizuara.

Detyrat dhe përgjegjësitë e Departamentit për Integrim Evropian dhe Koordinim të Politikave janë:

• Koordinon, monitoron dhe raporton lidhur me zbatimin e aktiviteteve dhe politikave të Ministrisë në procesin e integrimit evropian;
• Koordinon procesin e planifikimit strategjik dhe atë të zhvillimit të politikave të Ministrisë, monitoron dhe raporton lidhur me zbatimin e atyre politikave, si dhe ofron mbështetje në hartimin e tyre;
• Organizon dhe koordinon aktivitetet e Ministrisë për mbështetjen e donatorëve, duke përfshirë mbështetjen financiare nga Instrumenti i Asistencës së Para-Anëtarësimit (IPA), fondet tjera të BE-së dhe instrumentet financiare të vendeve mbështetëse apo ato ndërkombëtare;
• Ndihmon në zhvillim të kapaciteteve të Ministrisë, ne kuadër të inicimit të reformave dhe vlerësimin e ndikimeve të tyre;
• Ndihmon në përmirësimin e procesit të konsultimeve me institucionet, palët e interesuara dhe publikun.

Drejtori i Departamentit për Integrim Evropian dhe Koordinim të Politikave raporton tek Sekretari i Përgjithshëm.

Departamentit për Integrim Evropian dhe Koordinim të Politikave përbëhet nga divizionet si në vijim:

• Divizioni për Integrim Evropian dhe Koordinim të Donatorëve; dhe
• Divizioni për Koordinim të Politikave.

Kontakt:

Drejtor i Departamentit për Integrim Evropian dhe Koordinim të Politikave:

• Lulzim BEQIRI
• Email: lulzim.beqiri@rks-gov.net;
• Tel.: (+383) 38 200 67 130
• Adresa: Ministria e Drejtësisë
• Ndërtesa e ish Rilindjes
• Kati VIII, Zyra nr. 817/A
• 10000Prishtinë, Kosovë

Divizioni për Integrim Evropian dhe Koordinim të Donatorëve

Detyrat dhe përgjegjësitë e Divizionit për Integrim Evropian dhe Koordinim të Donatorëve janë:

• Ndihmon dhe këshillon në përcaktimin dhe vendosjen e prioriteteve të Ministrisë duke marrë parasysh obligimet që dalin nga procesi i integrimit evropian;
• Ofron mbështetje në hartimin dhe siguron pajtueshmërinë e politikave, planeve dhe strategjive me standardet e BE-së;
• Monitoron, siguron raportimin nga departamentet dhe agjencitë përkatëse, si dhe raporton për zbatimin e aktiviteteve të Ministrisë nga Programi Kombëtar për zbatimin e Marrëveshjes së Stabilizim Asociimit (MSA) dhe dokumentet tjera të politikave në procesin e integrimit evropian;
• Bën identifikimin dhe përfaqësimin e interesave të Ministrisë në Bashkimin Evropian dhe forume të tjera ndërkombëtare, si dhe përgatit dhe koordinon të gjithë dokumentacionin e nevojshëm për këto mekanizma;
• Ofron mbështetje në procesin e harmonizimit të legjislacionit të propozuar nga Ministria me Acquis të BE-së;
• Koordinon nevojat dhe prioritetet e Ministrisë për mbështetjen e mundshme nga donatorët, dhe siguron që kjo mbështetje është e lidhur me prioritetet strategjike të Ministrisë;
• Përgatit propozime të projekteve për mbështetje të donatorëve, ndihmon menaxhimin dhe siguron zbatimin e tyre, si dhe raportimin lidhur me to;
• Bën mbledhjen e të gjitha të dhënave relevante për mbështetjen e donatorëve në sektorin e drejtësisë dhe kujdeset për monitorimin e kushteve të qëndrueshmërisë së projekteve;
• Identifikon nevojat për zhvillim strategjik të kapaciteteve të Ministrisë në reformat për procesin e integrimit evropian dhe vlerësimin e ndikimeve të tyre, si dhe koordinon procesin e mbështetjes së donatorëve në këtë aspekt.

Udhëheqësi i Divizionit për Integrim Evropian dhe Koordinim të Donatorëve raporton tek Drejtori i Departamentit për Integrim Evropian dhe Koordinim të Politikave.

Kontakt:

Zëvendësuese e Udhëheqësit të Divizionit për Integrim Evropian dhe Koordinim të Donatorëve

• Znj. Trendelina Qorraj
• Email: Trendelina.Qorraj@rks-gov.net;
• Tel: 038/200-67-132
• Adresa: Ministria e Drejtësisë
  Ndërtesa e Re e Qeverisë (ish ndërtesa e Rilindjes)

Divizioni për Koordinim të Politikave

Detyrat dhe përgjegjësitë e Divizionit për Koordinim të Politikave janë:

• Koordinon planifikimin dhe harmonizimin e të gjitha dokumenteve strategjike dhe të politikave të Ministrisë, me Programin e Qeverisë dhe dokumentet tjera strategjike të Qeverisë;
• Harton Planin e Punës së Qeverisë sa i përket fushëveprimit të Ministrisë, siguron zbatimin e tij dhe raportimin e Ministrisë tek Qeveria, bazuar në raportet nga departamentet dhe agjencitë përkatëse;
• Harton planet e brendshme zhvillimore të Ministrisë, bën zbatimin e aktiviteteve të përcaktuara dhe raportimin lidhur me to;
• Ofron mbështetje në hartimin e dokumenteve strategjike në fushëveprimin e Ministrisë, dhe bën monitorimin dhe raportimin për zbatimin e tyre;
• Ofron mbështetje në hartimin e koncept dokumenteve, planeve dhe dokumenteve tjera të politikave të Ministrisë, dhe
• Ofron mbështetje dhe monitoron zbatimin e procesit të konsultimeve me institucionet, palët e interesuara dhe publikun, për politikat dhe legjislacionin e propozuar nga Ministria.

Udhëheqësi i Divizionit për Koordinim të Politikave raporton tek Drejtori i Departamentit për Integrim Evropian dhe Koordinim të Politikave.

Kontakti:

• Udhëheqëse e Divizionit për Koordinim të Politikave
• Znj. Selvije Elezaj
• Email: Selvije.Elezaj@rks-gov.net;
• Tel: 038-200-67-134
• Adresa: Ministria e Drejtësisë
  Ndërtesa e Re e Qeverisë (ish ndërtesa e Rilindjes)

Projektet